شام اذیت ناک مرحلے سے فتح کی طرف کیسے آیا؟ (قسط دوم)

 

اسد اللہ خان پشاوری

ان جیلوں کے بارے میں جامع انداز سے معلومات کے لیے آپ اور آپ کی ٹیم کس طرح عملی طور پر رسائی حاصل کرسکتے ہیں؟

کئی موقعوں پر اس بارے میں توقع سے زیادہ نظم و ضبط دیکھا گیا ہے، مثال کے طور پر، آپ نے صیدایا کے بارے میں ویڈیو میں دیکھا ہوگا جس میں بے تاب لوگوں کو دکھایا گیا، جو افراتفری اور بےچینی میں لوگوں کو تلاش کرنے کی کوشش کر رہے تھے، وہاں صحافیوں کی بھی بڑی تعداد تھی، لیکن اس سب کے باوجود، یہ بہت منظم نہیں ہے۔ البتہ وہاں کئی تنظیمیں تھیں، انقلابی، وائٹ ہیلمٹس پہنے ہوئے شہری دفاع کے لوگ، اور دیگر ماہرین، حتیٰ کہ مقامی اور شہری صحافیوں کو بھی دیکھا گیاہے ، وہ مستقل کہتے رہے کہ ہمیں ہر چیز کو دستاویزی شکل دینی چاہیے، کچھ بھی ضائع نہیں ہونا چاہیے، لہذا وہ اس کا ادراک رکھتے ہیں ۔

اور یہ پہلے سے بہتر ہو گیا ہے، کیونکہ جب میں نے آئی سیس کو چھوڑا تو کوئی بھی جا کر جیلوں میں جو چاہے لے جا سکتا تھا، اس افراتفری میں ہمارے لوگوں نے بھی 70,000 سے زائد دستاویزات حاصل کیں، جو اب ہمارے آرکائیوز کا حصہ ہیں۔ لیکن جہاں تک اس موقع کی بات ہے تو حلب کی آزادی کے موقع پر ہماری ٹیم نے جیلوں کا رخ کیا، یہ سوچتے ہوئے کہ وہی صورتحال ہو گی، لیکن ایسا نہیں تھا، وہاں فوجی کھڑے تھے جو کسی کو بھی بغیر اجازت اندر جانے نہیں دے رہے تھے، وہ کہہ رہے تھے رک جاؤ، پہلے ہمیں جاننا ہوگا کہ آپ کون ہیں؟ اور آپ کیا کر رہے ہیں؟ اگر آپ کے پاس کوئی معقول وجہ ہے، اگر قیادت قبول کرتی ہے، تو آپ اندر جاسکتے ہیں اور مواد کو دستاویزی شکل دے سکتے ہیں، یہ ایک مثبت پہلو ہے اور انقلابیوں کے عمومی اچھے رویے کا حصہ ہے، کوئی بھی شخص اندر جائے یہ نہیں ہوسکتا تھا، جس کی وجہ سے عوامی عمارتوں میں کم سے کم لوٹ مار ہوئی، یہاں ایسی صورت حال نہیں تھی جیسا کہ صدام حسین کے زوال کے بعد بغداد میں امریکی آئے تھے، وہاں مکمل افراتفری تھی، یہاں کم سے کم لوٹ مار ہوئی ہے، عوامی عمارتوں کی حفاظت کی جا رہی ہے، لوگ کو یقین آرہا تھا کہ یہ ان کی ملکیت ہے، ایسا نہیں ہے کہ کوئی بھی اس پر قبضہ کر رہا ہے۔

اچھی بات ہے ، میرا مطلب یہ ہے کہ اس کے پیچھے کیا ہے؟ یعنی اس ڈسپلن کے پیچھے کیا بات پوشیدہ ہے؟ جیسا کہ ہم HTS (ہیئت تحریر الشام) کا مشاہدہ کر رہے ہیں، کیونکہ بدقسمتی سے آپ جانتے ہیں کہ میری توجہ کچھ سالوں سے شام سے ہٹ گئی تھی، لیکن مجھے یاد ہے جب HTS (ہیئت تحریر الشام) جیسے گروپ اور دیگر نے کئی سال پہلے ادلب میں حکومت شروع کی تھی، اس وقت اس میں اتنا نظم وضبط نہیں تھا، وہاں ہم نے سنا تھا کہ من مانے طریقہ سے گرفتاریاں ہوتی تھیں، ایسی کہانیاں سنی تھیں، تو آپ کے خیال میں کیا تبدیلی آئی ہے جو قابل ذکر ہے۔

میں کچھ مثبت کہنے سے پہلے کچھ منفی کہوں گا، منفی بات یہ ہے کہ مکمل طور پر تبدیلی نہیں آئی ہے، کیونکہ اب بھی ادلب میں HTS (ہیئت تحریر الشام) کی جیلوں میں قیدی موجود ہیں، جو ان سے متفق نہیں تھے، جن پر تشدد کیا جا رہا ہے، صحافی بلال عبد الکریم جنہیں شاید آپ جانتے ہوں گے اور چند دوسروں نے اس بارے میں رپورٹیں لکھی ہیں، اور یقینی طور پر ادلب کے قصبوں میں اس جارحیت تک HTS (ہیئت تحریر الشام) کے خلاف مظاہرے ہو رہے تھے ، آپ جانتے ہیں یہ ایک اہم ایشو ہے ، ہم نے سیاسی مخالفین کو جیل میں ڈالنے اور قیدیوں کو سزا سے روکنا ہے، یہی کام تم بھی کر رہے ہو۔

لیکن جہاں تک مثبت بات ہے وہ یہ ہے کہ اگر یہ مظاہرے شام کے دیگر علاقوں میں ہوتے بلکہ صرف ایک مظاہرہ بھی ہوتا تو اس پر گولی چلائی جاتی، فائرنگ سے بچ جانے والوں کو گرفتار کرکے تشدد کا نشانہ بنایا جاتا، یہ اچھی بات ہے کہ انہوں نے مظاہروں کو برداشت کیا۔

اب میں مثبت کی طرف جا رہا ہوں، اگرچہ زیادہ مثبت ہونے کی ضرورت ہے، آپ کو معلوم ہے کہ HTS (ہیئت تحریر الشام) عراق میں شروع ہوا، یہ گروہ القاعدہ سے وابستہ تھا، لیکن بعد میں اس نے القاعدہ سے علیحدگی اختیار کی، آپ کو معلوم ہوگا کہ جولانی عراق میں القاعدہ میں شامل ہوئے تھے، تاکہ امریکہ اور شیعہ حکومت سے لڑے، پھر وہ شام کے انقلاب کے آغاز میں شام واپس آیا، اور شام میں 2013 میں اس نے نئی تنظیم بنائی، ایک طرف آئی سیس تنظیم تھی اور دوسری طرف این آر اے(جبہۃ النصرہ لاہل الشام) تنظیم تھی، دونوں کی آپس میں لڑائی شروع ہوئی،آئی سیس متشدد نظریات والے تھے، یہ کہتے تھے کہ دل ودماغ سے حکومت نہیں کرنی بلکہ خوف طاری کرکے حکومت کرنی ہے، جیساکہ آپ کو معلوم ہے کہ یہ مکمل طور پر صدام حسین کے سابق فوجیوں اورریٹائرڈ سیکورٹی کے لوگوں سے بھرے ہوئے تھے، الغرض یہ دہشت گرد تنظیم تھی، اس کے بالمقابل جبہۃ النصرۃ اس کے الٹ تھے، میرا ایسا خیال ہے کہ انہوں نے بہت کچھ سیکھا، کیونکہ ان کو معلوم ہوا کہ آئی سیس کو نہ صرف امریکہ، ترکی اورپی کے کے (       Kurdish militant        political) اور بشار الاسد نے شکست نہیں دی تھی، بلکہ عوام کی طرف سے بھی ان کو قبولیت نہیں ملی تھی، ان کے پاس کوئی قانون نہیں تھا، یہ نام نہاد مذہبی پولیس تھی جو لوگوں کو سگریٹ پینے، تنگ پتلون پہننے پر گرفتار کرتی اور انہیں کوڑے مارتی اور تشدد کا نشانہ بناتی۔ النصرہ نے اپنے ابتدائی دنوں میں ایسا کیا تھا، لیکن پھر انہوں نے کہا کہ نہیں ہم مسلم سوسائٹی کو چھوڑیں گے کہ وہ خود جس طرح زندگی گزارنا چاہتے ہیں گزاریں، ہم ایک چھتری اور فریم ورک فراہم کرنے کی کوشش کریں گے جس کے تحت اچھی حکمرانی ہو سکتی ہو، اور واقعی انہوں نے آہستہ آہستہ ترقی کی، ادلب میں پچھلے سالوں میں ایسا لگتا تھا کہ جیسا کچھ نہیں ہو رہا ہے، HTS (ہیئت تحریر الشام) کو ترکی کی زمین کی ایک تنگ پٹی میں دھکیل دیا گیا تھا، لیکن اس دوران وہ اپنے آپ کو منظم کر رہے تھے اور چیزوں پر دوبارہ غور کر رہے تھے، وہ نہ صرف آئی سیس کے ساتھ تقسیم ہوئے بلکہ القاعدہ کے ساتھ بھی بالکل الگ ہوگئے، پھر انہوں نے اپنی صفوں سے القاعدہ سے متاثر افراد کو نکال دیا۔ HTS نے سیاسی معاملات اور سفارتی تعلقات میں بھی مہارت حاصل کی ہے، ادلب میں اقلیت کمیونٹیز جیسے دروز اور مسیحیوں کے ساتھ تعلقات کو بہتر کیا، اور میں ایسا سمجھتا ہوں کہ یہ سیکھنا کہ ڈپلومیسی کیسے کی جائے؟ اور سیاست کیسے کی جائے؟ اچھے سماجی تعلقات استوار کرنے کا طریقہ سیکھنا ہی وہ چیز ہے جس نے انہیں حلب میں ان کے طرز عمل کے لیے اتنا اچھا مقام دیا ہے، اور اب شام کے باقی حصوں میں ان شاء اللہ کریں گے ، جیسے کہ آپ جانتے ہیں کہ وہاں عارضی حکومت ہے، اس سے پہلے انقاذ سوریہ کی حکومت تھی، چھوٹا لڑکا محمد بشیر وزیراعظم تھا، وہ اب عبوری حکومت کے وزیراعظم مقرر ہوئے ہیں، یہ بڑی حد تک ہیئۃ تحریر الشام کے تحت ہے، یہ سویلین حکومت ہے جو زیادہ تر تکنیکی ماہرین پر مشتمل ہے، اور اگر یہ پورے شام میں اسی طرز پر کام کرے تو یہ ایک مثبت قدم ہو سکتا ہے۔